ශ්රී ලංකාවේ වඩාත්ම විශ්වසනීය ළදරු සත්කාරක සන්නාමය වන Baby Cheramy, සිය සන්නාම අනන්යතාව සහ බුද්ධිමය දේපළ සඳහා වන සුවිශේෂී හිමිකාරිත්වය සහ අයිතිවාසිකම් තහවුරු කරගනිමින් සිය අනන්යතාව රැක ගැනීමට සමත්ව ඇත. මෙම අධිකරණ තීන්දුව ලබා දී ඇත්තේ පාරිභෝගිකයන් සහ වෙළඳ හවුල්කරුවන් අතර ව්යාකූලත්වයක් ඇති කරමින්, ‘Baby Sherami’ යන නාමය යටතේ ක්රියාත්මක වූ, සැබෑ නිෂ්පාදනයට බෙහෙවින් සමාන ව්යාජ අනුකරණ සන්නාමයක පැමිණීමට එරෙහිව ය. Baby Cheramy සන්නාම නාමයේ සහ අනන්යතාවයේ එකම සහ නීත්යනුකූල හිමිකාරිත්වය Baby Cheramy සතු බව අධිකරණ තීන්දුව මඟින් නිසැකවම තහවුරු කර ඇති අතර, දෘශ්යමාන ලෙස, ශබ්ද නැඟීමේදී හෝ සංකල්පීය වශයෙන් සිදු කරන ඕනෑම අනවසර අනුකරණයක්, සමාගමේ බුද්ධිමය දේපළ අයිතිවාසිකම් උල්ලංඝණය කිරීමක් වන බව සහතික කර ඇත. මෙම තීන්දුව මඟින් Baby Cheramy වෙත ලබා දී ඇති නීතිමය ආරක්ෂාව තවදුරටත් ශක්තිමත් කරන අතර, ශ්රී ලාංකේය පවුල් පරම්පරා ගණනාවක් තිස්සේ විශ්වාසය තැබූ මුල් සහ සැබෑ සන්නාමය ලෙස එහි දිගුකාලීන කීර්තිනාමය නැවත වරක් තහවුරු කරයි.
පාරිභෝගිකයින් සන්නාමය කෙරෙහි තබා ඇති විශ්වාසය ආරක්ෂා කිරීම, සන්නාමයේ ගෞරවය පවත්වා ගැනීම සහ ව්යාජ හෝ නොමඟ යවන සුලු නිෂ්පාදන වෙළඳපොළට පැමිණීම වැළැක්වීම සඳහා Baby Cheramy විසින් අඛණ්ඩව සිදු කරනු ලබන කැපවීමේ කොටසක් ලෙස මෙම නීතිමය පියවර ආරම්භ කරන ලදී. සැබෑ Baby Cheramy සන්නාමයට බෙහෙවින් සමාන නමක් සහ ඉදිරිපත් කිරීමක් සහිත සන්නාමයන් මගින් දෙමාපියන් සහ දරුවන් රැකබලා ගන්නන් නොමඟ නොයන බව සහතික කිරීම සඳහා සමාගම ස්ථිර සහ ක්රියාකාරී පියවර ගෙන ඇත.
සමාගමේ ප්රකාශකයෙකු මෙලෙස සඳහන් කළේ ය. “මෙම අධිකරණ තීන්දුව Baby Cheramy සතු සුවිශේෂී අයිතිවාසිකම් මෙන්ම රට පුරා සිටින දෙමාපියන් අප කෙරෙහි තබා ඇති විශ්වාසය ආරක්ෂා කිරීමට අප සතු නොසැලෙන කැපවීම පැහැදිලිව සහ තීරණාත්මකව තහවුරු කිරීමක්. අපගේ සන්නාම අනන්යතාවය අනුකරණය කිරීමට හෝ අනිසි ලෙස භාවිත කිරීමට උත්සාහ කරන ඕනෑම පාර්ශ්වයකට එරෙහිව අවශ්ය සියලුම නීතිමය පියවර ගැනීමට අප අඛණ්ඩව කටයුතු කරනවා. අපගේ පාරිභෝගිකයන් ආරක්ෂා කිරීම සහ Baby Cheramy නාමය සමඟ බැඳී පවතින ගෞරවය, ආරක්ෂාව සහ ගුණාත්මකභාවය සුරැකීම සැම විටම අපගේ ඉහළම ප්රමුඛතාවයයි.”
ඕනෑම ආකාරයකින් Baby Cheramy සන්නාමය පිටපත් කිරීමට හෝ අනුකරණය කිරීමට උත්සාහ කරන ඕනෑම පුද්ගලයෙකුට හෝ සංවිධානයකට එරෙහිව ක්ෂණික සහ තීරණාත්මක නීතිමය පියවර ගන්නා බවට ද සමාගම අනතුරු අඟවා ඇත. මීට අමතරව, පාරිභෝගිකයන්, සිල්ලර වෙළෙන්දන් සහ බෙදාහරින්නන්ගෙන් Baby Cheramy ඉල්ලා සිටින්නේ සැම විටම විමසිලිමත් වන ලෙසත්, ඔවුන් මිල දී ගන්නේ සහ ගබඩා කරන්නේ සැබෑ Baby Cheramy නිෂ්පාදන පමණක් බව තහවුරු කරගන්නා ලෙසත් ය.
මෙම තීන්දුව Baby Cheramy හි බුද්ධිමය දේපළ ආරක්ෂා කරනවා පමණක් නොව, සදාචාරාත්මක, විනිවිදභාවයකින් යුත් සහ පාරිභෝගිකයා කේන්ද්ර කරගත් සන්නාමයක් ලෙස එහි ස්ථානය තවදුරටත් ශක්තිමත් කරයි. වෙළඳපොළ අඛණ්ඩව නිරීක්ෂණය කරමින් සහ අනුකරණ නිෂ්පාදනවලට එරෙහිව තීරණාත්මක පියවර ගනිමින්, පාරිභෝගිකයන් සුරක්ෂිත කිරීමටත්, ගුණාත්මකභාවය සහ විශ්වාසයේ ඉහළම ප්රමිතීන් පවත්වා ගැනීමටත්, මෘදු මෙන්ම විශ්වසනීය ළදරු සත්කාරක නිෂ්පාදන පාරිභෝගිකයා වෙත සමීප කිරීමටත් Baby Cheramy සතු වගකීම අඛණ්ඩව ඉටු කරයි.
Hemas Consumer Brands පිළිබඳව
65 වසරක් පුරා ශ්රී ලංකාවේ ගෘහ හා පෞද්ගලික සත්කාර අංශයේ ප්රමුඛයා වන Hemas Consumer Brands, යහපත් හෙට දිනයක් අපේක්ෂා කරමින් පවුල් සවිබල ගැන්වීම වෙත අවධානය යොමු කරයි. ශ්රී ලංකාව තුළ අපගේ අරමුණු මූලික කර ගත් සන්නාම, දේශීය දැනුම භාවිතයෙන් නව්යකරණයට සහ සංවර්ධනයට ලක් කරමින්, පාරිභෝගිකයා කේන්ද්ර කරගත් විශ්වසනීය ගෘහ සන්නාමයන් ලෙස ස්ථාපිත කිරීමට හැකියාව ලැබීම පිළිබඳව Hemas නිහතමානීව ආඩම්බර වේ. ශ්රී ලාංකේය පාරිභෝගිකයා පිළිබඳ මනාව අවබෝධ කර ගන්නා Hemas Consumer Brands උසස් ගුණාත්මක බවින් සහ වටිනාකමින් යුත් තම නිෂ්පාදන ලබා දීමේ සිය නොසැලෙන කැපවීම පෙරදැරිව රට පුරා සිටින ජනතාවගේ ජීවිත පොහොසත් කිරීමට අඛණ්ඩව කටයුතු කරයි.
