වසරෙන් පසු සටහන් වූ අවම මාසික නිෂ්පාදනය වේ. ශ්‍රී ලංකා තේ මණ්ඩලය විසින් නිකුත් කරන ලද මූලික දත්ත ඇසුරින් Asia Siyaka Commodities PLC සමාගම මෙම තොරතුරු වාර්තා කර ඇත.

1992 වසරේ අප්‍රේල් මාසයේදී දැඩි නියඟය හේතුවෙන් උඩරට තේ නිෂ්පාදනය කිලෝග්‍රෑම් මිලියන 2.2 දක්වා පහත වැටුණු අතර, එම වසරේ මුල් මාසවලදී දිවයිනෙන් 46% ක පමණ ප්‍රමාණයකට ලැබුණේ සාමාන්‍ය වර්ෂාපතනයෙන් 10% කටත් වඩා අඩු ප්‍රමාණයකි. කෙසේ වෙතත්, 2026 අගෝස්තු මාසයේ මෙම පහත වැටීමට ප්‍රධාන වශයෙන් හේතු වී ඇත්තේ අධික වර්ෂාපතනය සහ අඛණ්ඩව පැවැති වලාකුළු බරිත කාලගුණයයි. එසේ වුවද, 2027 පළමු කාර්තුවේදී බලාපොරොත්තු වන දැඩි වියළි හා උණුසුම් කාලගුණික තත්ත්වයන් හමුවේ තේ කර්මාන්තයට මුහුණ දීමට සිදු විය හැකි අභියෝග පිළිබඳව කාලගුණ විද්‍යා දෙපාර්තමේන්තුවේ වාර්තා පදනම් කරගනිමින් Siyaka පර්යේෂණ අංශය අවධානය යොමු කරයි.

2026 අගෝස්තු මාසයේදී මෙරට මුළු තේ නිෂ්පාදනය 3.7% කින් පහත වැටී ඇති අතර, එය 2025 අගෝස්තු මාසයේ පැවැති කිලෝග්‍රෑම් මිලියන 19.7 සිට කිලෝග්‍රෑම් මිලියන 18.9 දක්වා අඩුවී ඇත.

අගෝස්තු මාසයේ සමස්ත දේශීය නිෂ්පාදන තත්ත්වය:

• උඩරට තේ (High Grown) නිෂ්පාදනය 15.8% කින් පහත වැටී ඇත.
• මැද රට (Medium Grown) තේ නිෂ්පාදනය 14% කින් පහත වැටී කිලෝග්‍රෑම් මිලියන 3.2 සිට කිලෝග්‍රෑම් මිලියන 2.7 දක්වා අඩුවී ඇත.
• පහත රට (Low Grown) තේ නිෂ්පාදනය කිලෝග්‍රෑම් මිලියන 12.7 සිට කිලෝග්‍රෑම් මිලියන 13.1 දක්වා වර්ධනය වෙමින් සමස්ත පහත වැටීමේ බලපෑම යම් ප්‍රමාණයකට අවම කිරීමට දායක වී ඇත.

2026 ජනවාරි සිට අගෝස්තු දක්වා කාලපරිච්ඡේදය තුළ සමස්ත තේ නිෂ්පාදනය කිලෝග්‍රෑම් මිලියන 172.2 ක් වන අතර, එය 2025 වසරේ අදාළ කාලපරිච්ඡේදයේ පැවැති කිලෝග්‍රෑම් මිලියන 176.9 හා සැසඳීමේදී අඩුවීමකි. එම මාස 08 තුළ උඩරට තේ නිෂ්පාදනය කිලෝග්‍රෑම් මිලියන 38.3 ක් ලෙස සටහන් වෙමින් පසුගිය වසරේ අදාළ කාලයට (මිලියන 38.1) වඩා සුළු වර්ධනයක් පෙන්නුම් කරයි. කෙසේ වෙතත්, මැද රට නිෂ්පාදනය 6% කින් (කිලෝග්‍රෑම් මිලියන 30.4) සහ පහත රට නිෂ්පාදනය 3% කින් පමණ (කිලෝග්‍රෑම් මිලියන 103.3) පහත වැටී ඇත.

තේ සැකසුම් ක්‍රමවේදයන් අනුව සැලකීමේදී, ජනවාරි-අගෝස්තු කාලය තුළ Orthodox තේ නිෂ්පාදනය 3% කින් පමණ පහත වැටී ඇති අතර, CTC (Crush, Tear, Curl) තේ නිෂ්පාදනය 7% කින් පමණ ඉහළ ගොස් ඇත. එමෙන්ම Green Tea නිෂ්පාදනයද 8% කින් වර්ධනය වී තිබේ.

උපුටා ගැනීම : අද දෙරණ